פירוש לתנ"ך - פרק כט', ספר דברים בכפשוטו

אורח ( התחברות לחשבון | לחצו כאן כאן להרשמה מהירה בחינם וקבלו עדכונים שוטפים על פירושים חדשים

הרשמה לכפשוטו

)

פירושים לכל פרק כט'

פירושים לפרשת ניצבים

החלף לתצוגת קריאה עם פירושים

א ויקרא משה אל כל ישראל ויאמר אלהם אתם ראיתם את כל אשר עשה יהוה לעיניכם בארץ מצרים לפרעה ולכל עבדיו ולכל ארצו ב המסות הגדלת אשר ראו עיניך האתת והמפתים הגדלים ההם ג ולא נתן יהוה לכם לב לדעת ועינים לראות ואזנים לשמע עד היום הזה ד ואולך אתכם ארבעים שנה במדבר לא בלו שלמתיכם מעליכם ונעלך לא בלתה מעל רגלך ה לחם לא אכלתם ויין ושכר לא שתיתם למען תדעו כי אני יהוה אלהיכם ו ותבאו אל המקום הזה ויצא סיחן מלך חשבון ועוג מלך הבשן לקראתנו למלחמה ונכם ז ונקח את ארצם ונתנה לנחלה לראובני ולגדי ולחצי שבט המנשי ח ושמרתם את דברי הברית הזאת ועשיתם אתם למען תשכילו את כל אשר תעשון ט אתם נצבים היום כלכם לפני יהוה אלהיכם ראשיכם שבטיכם זקניכם ושטריכם כל איש ישראל י טפכם נשיכם וגרך אשר בקרב מחניך מחטב עציך עד שאב מימיך יא לעברך בברית יהוה אלהיך ובאלתו אשר יהוה אלהיך כרת עמך היום

יב למען הקים אתך היום לו לעם והוא יהיה לך לאלהים כאשר דבר לך וכאשר נשבע לאבתיך לאברהם ליצחק וליעקב יג ולא אתכם לבדכם אנכי כרת את הברית הזאת ואת האלה הזאת יד כי את אשר ישנו פה עמנו עמד היום לפני יהוה אלהינו ואת אשר איננו פה עמנו היום טו כי אתם ידעתם את אשר ישבנו בארץ מצרים ואת אשר עברנו בקרב הגוים אשר עברתם טז ותראו את שקוציהם ואת גלליהם עץ ואבן כסף וזהב אשר עמהם יז פן יש בכם איש או אשה או משפחה או שבט אשר לבבו פנה היום מעם יהוה אלהינו ללכת לעבד את אלהי הגוים ההם פן יש בכם שרש פרה ראש ולענה יח והיה בשמעו את דברי האלה הזאת והתברך בלבבו לאמר שלום יהיה לי כי בשררות לבי אלך למען ספות הרוה את הצמאה יט לא יאבה יהוה סלח לו כי אז יעשן אף יהוה וקנאתו באיש ההוא ורבצה בו כל האלה הכתובה בספר הזה ומחה יהוה את שמו מתחת השמים כ והבדילו יהוה לרעה מכל שבטי ישראל ככל אלות הברית הכתובה בספר התורה הזה כא ואמר הדור האחרון בניכם אשר יקומו מאחריכם והנכרי אשר יבא מארץ רחוקה וראו את מכות הארץ ההוא ואת תחלאיה אשר חלה יהוה בה כב גפרית ומלח שרפה כל ארצה לא תזרע ולא תצמח ולא יעלה בה כל עשב כמהפכת סדם ועמרה אדמה וצביים אשר הפך יהוה באפו ובחמתו

תנ"ך דברים, פרק כח

עבור לפרק

א', ב', ג', ד', ה', ו', ז', ח', ט', י', יא', יב', יג', יד', טו', טז', יז', יח', יט', כ', כא', כב', כג', כד', כה', כו', כז', כח', כט', ל', לא', לב', לג', לד'

תנ"ך דברים, פרק ל

הרשמה לכפשוטו